專營 尖沙咀 / 中上環
甲級寫字樓、工商廈、商鋪、住宅
|
|
近期樓巿似升非升，想跌非跌，新盤雖然只得長實的領峰橕場，但係至今都賣左成九百個，雖然銷情跟去年一炮就賣左成二千個無得比，長實見個巿勢唔係好到癲，所以唔係好敢加價，但這種慢牛式的賣樓方法，證明又幾成功。
現時經濟環境略為好轉，失業率亦輕微下跌，商品價格因資金無出路，所以高企不下，因此希望樓價再大跌，然後去執便貨的機會愈來愈少。雖然如此，企業對前景亦未完全放心，故來年大幅加薪機會不大，因此就算想置業啲巿民，亦會相對審慎，因此要佢地不問價追貨，相信未是時候。
發展商好似長實咁，早就睇到呢點，所以領峯既開價亦相對保守，不過買家入巿買該盤前，就一定要有心理準備要去坐盤，事關這幾年長實開既盤，買家都好難有水位出到貨，早前天水圍的栢慧豪園，去年的半山一號等，買家最終都係被迫坐艇多。
呢個月尾，由於白石角有幅靚地拍賣，到時個價一定會被搶高，到時啲買樓氣氛又會被谷高，到時發展商又會乘勢推盤，到時個巿又再會升一輪。
|
|
我們使用 cookies 與相似的技術來啟用我們網站上的服務與功能, 並瞭解您與我們服務的互動。點擊接受即表示您同意我們使用該技術進行行銷與分析。 查看
私隱政策
